記得之前有同事提過係伯斯有條橋起到好高，在很高的樹頂上，人在橋上行走，呼吸到的空氣十分清新，好像整個人含氧量極高，成個人好像重生一樣。(聽落去都幾誇張，但就係咁誇張先至吸引~)

但個同事已唔記得果度叫咩名同點去，唉…多數跟團都唔會記得咁架啦… 

所以我都無諗過一定去到，好在都俾我地搵到，嘩!要揸5個幾鐘先到呀! 我都覺得我地都幾大膽，揸車去咁遠，竟然一張地圖都無買，只看旅遊書和機場取的簡單地圖，好彩一切都平平安安。 

在一個中途information centre買了入場票，更得知Valley of the giants會在4點多關門，那時已是3點多，好驚，好驚揸咁耐都係去唔到，好彩最終都趕到。 

其實係伯斯吸每一口空氣都清新過香港好多倍，但係走到那條橋上面，樹頂行(Tree Top Walk)，所吸到的，又是另一個層次，好舒服，我不斷大啖的吸，在香港吸每一啖也帶著一點味，是什麼味，也不要深究，但在那兒，空氣真的很清，我吸得最深，因為深知很少機會可以再有第二次。